使徒行者、溏心风暴大换血！究竟会毁经典定创高峰？

　　有好嘅IP，TVB肯定要物尽其用，呢啲IP嘅续集开拍，基本上系必然，但系最近阿咩发现好多港剧嘅续集都 大换血，有啲甚至 面目全非。

　　

　　使徒行者2

　　今铺真系越嚟越难爱

　　

　　《使徒行者》喺 2014年横空出世，即刻打破香港电视剧喺内地嘅收视纪录，瞬间风靡内地，一度成为热门话题，系TVB近几年打造得最成功嘅IP，连带同名电影版都有 几亿票房。

　　

　　最近，《使徒行者2》举行开机仪式，阿咩发现第二部从 主演到 幕后团队，甚至 拍摄模式都面目全非。

　　大家唔好紧张，等阿咩带你哋去睇下。

　　

　　主演：“死剩”卓Sir同欢喜哥

　　畀大量网友吐槽嘅重灾区就系主演换血，换到阿妈都唔认得。

　　

　　▲原班底净低苗侨伟同许绍雄

　　新版海报

　　

　　【已确认主演阵容】：

　　苗侨伟、陈豪、宣萱、许绍雄、袁伟豪、 周柏豪、黄翠如、许绍雄、陈炜

　　

　　林峯离巢，阿佘唔再续约

　　所以今次冇爆seed哥同钉姐

　　

　　只有周柏豪同黄翠如

　　

　　苗侨伟隔离嗰个都唔系江美仪

　　

　　直接变咗宣萱

　　今次宣萱饰演一个退休卧底

　　

　　欢喜哥虽然仲喺度

　　

　　不过，今次反派由陈豪饰演

　　据说系一个黑社会老大

　　（上次做反派系《心战》）

　　剧情：续集系第一部前传

　　据说，《使徒行者2》嘅剧情并非续集， 而系前传。

　　第一部剧情太精彩，塑造咗好多深入民心嘅角色，如果拍续集，反而可能显得狗尾续貂，畀观众挑刺，TVB选择前传剧情，都不失为一个明智嘅选择。

　　

　　制作：幕后更换，同企鹅合拍

　　唔止台前，《使徒行者2》连幕后团队都换咗，而今次嘅监制再都唔系文伟鸿，而系 苏万聪，新团队新班底，究竟系毁前作，定爆发新火花，我哋拭目以待啦！

　　

　　而且，今次采用嘅系同内地合拍嘅模式， TVB与腾讯合作，到时剧集会喺腾讯视频独播，我哋追剧如果唔睇电视，可能就要充会员。

　　可能TVB都意识到内地经济发展，同庞大嘅观众市场，想要运用内地资源，为自己谋更大利润。

　　

　　呢种港内合作嘅模式，有利有弊，利就系TVB会有更多资金同资源，制作会更加精美，而对于观众，都可以第一时间上网睇剧，唔使左等右等。

　　不过，弊就在于，为咗迎合内地市场，港剧之中可能会加入内地元素，失去原来独有嘅港味，出现水土不服，最后变成一部平庸之作。（参考《**的后裔》）

　　

　　（ 喺呢度插多一句，TVB仲同爱奇艺合作开发网剧《再创世纪》，阿咩觉得，今次真系该煨……）

　　不过，既然阿咩心中嘅 第一主角欢喜哥冇换，阿咩依然会追第二部！

　　

　　

　　溏心风暴3

　　今次唔卖鲍鱼月饼，搞茶餐厅

　　

　　经典争家产港剧《溏心风暴》，最近都开始筹备，即将喺明年年初投入开拍。

　　不过，不同于《使徒行者》，《溏心风暴》关注度都唔系好高啦，毕竟题材比较师奶，而且上一部《家好月圆》已经系 八年前！ （唔好唔信，真系八年前噶啦！）

　　主演：四大老戏骨+黄宗泽做主角

　　前段时间，各种消息传出，好多原版演员都唔系出演，最近，主演名单已经确认。

　　

　　林峰、陈法拉、杨怡等因档期问题 都无缘拍摄，钟嘉欣想照顾女儿而婉拒加入续集。相应，四大金刚夏雨、李司棋、关菊英、米雪继续出演。

　　

　　黄宗泽今次终于演男主！！！

　　新加入嘅演员有——

　　黄翠如、陈敏之、岑丽香及王浩信等

　　剧情：唔卖海味月饼，转搞茶餐厅

　　

　　第三部故事将由夏雨 开茶餐厅而暴发开始 （阿咩好想请教下点可以暴发），夏雨将饰演一位 白手兴家嘅奶茶高手，佢坦言已经接受专业冲奶茶训练。

　　

　　米雪今次唔同夏雨系夫妻，反而同 李国麟成为夫妇， 于素秋父母再团聚！

　　

　　王浩信作为岑丽香嘅追求者，岑丽香系米雪夫妇嘅乖女，二人感情将会经历唔少嚟自屋企嘅磨难。

　　

　　陈敏之同阮兆祥嘅角色暂时未知，

　　不过从现场照睇，佢哋好可能系一对。

　　比起《使徒行者》，《溏心风暴》演员换血其实都唔系好严重，毕竟每一部《 溏心风暴》故事都唔一样，演员架构都唔同，故事核心都系围绕一个有钱人家庭展开，换演员差别唔会好明显。

　　阿咩觉得只要 幕后班底唔变，题材又系TVB擅长嘅 家庭伦理剧，基本上水平唔会有太大差别咯。

　　

　　老表毕业喇！

　　有王祖蓝郭晋安，点都唔差

　　

　　《老表》系列，都喺11月开拍第三部，比起上边两部港剧，《老表》 原班人马变化较细，最大变化应该就系—— 女主角从万绮雯变成蔡少芬！

　　主演：万绮雯王菀之退出蔡少芬加入

　　

　　万绮雯由于有舞台剧要排练，撞期冇办法参演，而王菀之因为档期问题、张继聪顾及谢安琪怀孕，都只会客串演出。

　　

　　除蔡少芬确认加盟之外，仲有 郑欣宜、林欣彤、蔡瀚亿都会参演《老表》3。

　　

　　今次系蔡少芬同郭晋安隔咗十几年再度合作，上次系 《创世纪》，阿咩都好期待今次嘅演出！

　　蔡少芬演技有几好，大家复习下以前嘅港剧同《甄嬛传》就知道，所以一知道蔡少芬出演，唔少网友都大赞。

　　

　　剧情：祖蓝继续参与编剧，

　　今次讲教育问题

　　《老表》系列自从出街以嚟，收视口碑都非常好，剧中主角配角嘅演绎大受好评，唔少演员都因而获奖， 蒋志光获最佳男配角， 张继聪获得飞跃进步男艺人奖。

　　

　　《老表》嘅成功除咗靠演员嘅付出，仲多得 王祖蓝包办剧本嘅创作，使得《老表》系列紧追香港时事热点又充满搞笑元素，喺一众港剧之中异军突起。

　　《老表》系列有王祖蓝嘅基因，第三部嘅剧本离唔开王祖蓝，但系王祖蓝都坦言，自己最近都比较忙，创作主力会交翻畀编剧组，编剧组制作过第一第二部，所以非常驾轻就熟，佢自己都好放心，依然会从旁畀意见同监督。

　　王祖蓝采访时透露，《老表》第三部主要聚焦 香港嘅教育问题。蔡少芬亦透露，自己系戏入边嘅角色名就叫 张进强，系 张晋强嘅谐音。

　　

　　最近，阿咩仲睇到有消息话，TVB系度构思 《城寨英雄》嘅电影版（老实讲《城寨英雄》死咗咁多个，仲可以写乜啊……），不过暂时未确定是否成事。根据TVB嘅作风，呢个唔系冇可能。

　　《城寨英雄》系今年最热嘅港剧，TVB需要趁住热度，推出进一步嘅计划，可能系 续集，可能系 电影版，你问阿咩意见，阿咩令愿佢出电视剧续集啦。

　　点解？

　　因为…

　　

　　

　　

　　阿咩畀个眼神，你自己体会下……

　　

　　

　　自己友关于TVB续集换血有咩睇法，

　　留言讲畀阿咩知啦！

　　祝大家周末愉快！

　　素材出自新浪娱乐、TVB微博、东方日报、信息时报等

　　羊城网负责整理编辑

　　

　　潮流同温度都要HOLD住

　　Unibott经典款持久保温瓶

　　简约设计，多种颜色

　　限量抢购！